Buscamos alternativas|| Propomos re-conectar|| Xente e Patrimonio||

MÁIS QUE UN PROXECTO, UN PROCESO

Iniciativa que procura a valoración e divulgación do patrimonio cultural dos concellos que conforman a “Serra do Suído”, A Lama, Avión, Beariz, Covelo e Fornelos de Montes, a través da súa xente.

“O Suído” pretende ser un proceso máis que un proxecto, que xere un debate interno no rural, sendo os seus habitantes (residentes, visitantes e emigrantes) os que manifesten cales son os seus anhelos e desexos, en contrapartida co modelo clásico onde as institucións e os profesionais son os que toman as decisións.

Por qué?

Todo patrimonio é importante, o rural e o urbano, o material e o inmaterial, tendo direito a ser ben xestionado, protexido e ordenado. “O Suído” como todo territorio posúe valores ordinarios e extraordinarios que precisan un tratamento acorde a súa realidade, un territorio en diminución pero con potencialidade para non ser abandonado.

Para qué?

O principal obxectivo da iniciativa é facilitar o acceso e a transmisión do patrimonio rural, mediante un modelo baseado no procomún e no establecemento de prácticas de transferencia de coñecemento. Deste modo, poderemos coñecer as distintas formas de ver, sentir e vivir o patrimonio rural como posible xerador de actividade e riqueza, posibilitando aos habitantes o desenvolvemento de iniciativas económicas e culturais sustentables.  

Para quén?

É un proceso de traballo colaborativo e aberto a todos os habitantes, asociacións, administracións e axentes da zona,  baseado no principio de ciencia cidadá, onde todas as partes poidan traballar de forma conxunta, diluíndo os bordes xerárquicos e administrativos polo ben dun territorio cun alto valor histórico e patrimonial.  

Quen?

O proxecto é unha iniciativa dun grupo de habitantes e profesionais que procuran valorar, divulgar e conservar el patrimonio material e inmaterial, natural e humano desta zona de Galicia. Buscamos ser facilitadores dentro deste proceso para favorecer o diálogo, o desenvolvemento de iniciativas existentes e a conectividade entre a comunidade.  

¿Cómo o facemos?

  • PROCURA

    Buscamos alternativas de diferenciación que escapen da connotación tradicional que se ten sobre o rural como “espazo produtivo” así como da visión máis recente como “espazo de lecer periurbano”.

  • RE-CONEXIÓN

    Propomos re-conectar á xente con “O Suído” mediante o desenvolvemento de actividades de recoñecemento do territorio nas que se busque a retroalimentación, o debate construtivo e o irmandamento entre oS cinco concellos.

  • ACTUACIÓNS

    A posta en marcha de talleres de sensibilización, entrevistas e mapeos colectivos, onde os habitantes marcarán as liñas de actuación e intervención, sendo eles os xestores do territorio.

Houbo un tempo, no que o  pobo pedía terra para poder traballar. Agora, sen embargo, a terra pide pobo
Antonio Piñeiro no Diario La Región

¿Ónde estamos?

Localización

 

Localízase nos concellos ourensáns de Avión e Beariz, e nos pontevedreses da Lama, Covelo e Fornelos de Montes.

Montaña

Forma parte da “Dorsal Galega”, sendo un dos espazos de medio montaña máis importantes de Galicia.

Paisaxe

Paisaxe de factura mixta (natural + antrópica), cun clima oceánico húmido con temperaturas medias anuais suaves e unha pluviometría anual de 2.400 mm.

Provincias
Concellos
Parroquias
qm2

O noso Blog

Unha pequena colección do que se vive en O SUÍDO
O LOBO IBÉRICO

Por María del Carmen Aldir Doval Canis lupus signatus ou o lobo ibérico habita nas serras e mesetas do cuadrante noroeste da Península Ibérica. Descrita en 1907 polo zoólogo Anxo Cabrera, […]

Ler Máis

AVIAMAN 2017 NA SERRA DO SUÍDO

O pasado 11 de xuño, tivo lugar unha nova edición da proba de triatlón Aviaman. Organizado polo Clube Beariz Triatlón, patrocinado pola Deputación de Ourense e coa colaboración da Secretaría Xeral para […]

Ler Máis

Ler máis artigos
TES ALGUNHA INICIATIVA NA QUE PODEMOS COLABORAR?
FALAMOS?
Copyright O Suído 2017. Todos os dereitos reservados.